Розныя рэгіёны Беларусі могуць пахваліцца сваімі ўнікальнымі кулінарнымі традыцыямі. Вось і ў Бярозаўскага раёна ёсць свая смачная адметнасць — тут гатуюць сушаную ў печы на саломе рыбу. Асабліва моцная традыцыя ў вёсках Здзітава, Пескі, Спорава, Хрыса. У пачатку верасня яна была прадстаўлена на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны, піша livingheritage.by. Прынята рашэнне аб неабходнасці надання гэтаму элементу статусу гісторыка-культурнай каштоўнасці.

Нараджэнню і развіццю традыцыі ў вёсках Здзітава, Пескі, Спорава, Хрыса спрыяла суседства з азёрамі Спораўскае, Чорнае, Белае. Рыба заўсёды была на сталах мясцовых жыхароў. Пошукі ідэальнага спосабу яе нарыхтоўкі і прывялі да сушкі ў печы на саломе. Кажуць, гэты спосаб больш дасканалы, чым сушка на паветры, бо ён паляпшае смакавыя якасці некаторых мясцовых відаў рыбы. Дарэчы, прыгатаваная такім чынам рыба служыць асновай для цэлага комплексу страў як паўсядзённага, так і святочнага стала на вяселлі, памінках, хрэсьбінах, Дзядах, Калядах, Вялікадні.

Cвежую рыбу спачатку чысцяць, затым дадаюць соль, прыправы. У печы робяць спецыяльную падушку з саломы, якая надае рыбе ні з чым не параўнальны водар. Да саломы могуць дадаваць чарот, галінкі кропу або каляндры. Для прыгатаванай на такой падушцы стравы ў мясцовых жыхароў ёсць і свая назва — «рыбныя семечкі». Кажуць, ад стравы не адарвацца! І з’ядаецца ўсё вельмі хутка.

Спосаб нарыхтоўкі рыбы шляхам працяглай сушкі ў разагрэтай печы і прыгатаванне разнастайных страў на яе аснове да сёння актыўна практыкуецца гаспадынямі Бярозаўскага раёна. Традыцыя актыўна перадаецца ад пакалення да пакалення.

Крыніца: sb.by

Не ведалі, што такое «Краутфлекерль»? Заўсёды хацелі паспрабаваць карпаччо з васьмінога?

 

З 27 жніўня па 15 верасня ў Мінску адбудзецца восеньскі GASTROFEST з новай тэматыкай - "Краіны свету". 20 устаноў-удзельніц прапануюць гасцям адправіцца ў гастранамічнае падарожжа і падзеляцца традыцыямі розных краін і рэгіёнаў. Кошт фестывальнай прапановы складзе 26 рублёў.

 

 

У рамках фестывалю захаваецца гульнявая механіка па зборы штампаў пры наведванні устаноў. Гасцей чакаюць падарункі ад брэндаў Beefeater, Aviabaltic і генеральнага партнёра ўсёй серыі фестываляў Альфа-Банка.

Крыніца: tut.by

У новым турыстычным сязоне ў рамках маштабнай праграмы прасоўвання рэгіёнаў-удзельнікаў праекта Растурызму «Гастранамічная карта Расіі» прайшоў «Тыдзень рэгіянальнай кухні ў Маскве». 


На працягу «Тыдня» ў лепшым рэстаране Масквы «Ruski» госці  пазнаёміліся з адмысловым меню рэгіянальных страў, прыгатаваных на базе такіх прадуктаў як аляніна, морапрадукты і рыба Баранцавая мора, дзікія ягады, тайговыя травы, а таксама хіт першага арктычнага мабільнага фестывалю рэгіянальнай кухні «Густ Арктыкі» - салёная трэска «Паўночнае ззянне». На 2019 г. запланавана серыя прэзентацый больш за 10 рэгіёнаў-удзельнікаў федэральнага праекта «Гастранамічная карта Расіі»

Цудоўны, вясёлы і смачны майстар-клас па выпечцы бездражджавога хлеба прайшоў у Ваўкавысскім раёне Гродзенскай вобласці, у аграсядзібе "Альхова". Правядзенне такога мерапрыемства стала магчымым дзякуючы праекту FpB-1616 “Стварэнне Гродзенскай рэгіянальнай партнёрскай сеткі ўстойлівага развіцця «За росквіт Прынёманскага краю»; гэты праект ажыццяўляецца пры садзейнічанні Праграмы падтрымкі Беларусі Федэральнага ўрада Германіі (ППБ).

У межах рэалізацыі праекта быў праведзены конкурс пілотных бізнес-ініцыятыў у сферы ўстойлівага развіцця. У выніку конкурса была падтрымана і ініцыятыва аграсядзібы "Альхова".

 

Падчас майстар-класа госці ўбачылі і самі паспрабавалі замешваць аснову для хлеба на заквасцы, эксперэментаваць з начыннем і аздабленнем хлеба. Навучыліся выпякаць пшанічны і жытні хлеб. Асаблівы сакральны рытуал быў выкананы з дапамогай малітваў і святой вады. Трэба адзначыць, што хлеб выпякаўся ў сапраўднай вясковай печы. Мерапрыемства было дапоўнена выкананнем народных песень ўдзельнікамі раённых клубных устаноў "Рэплеўскі ДК" і "Дулеўскі сельскі клуб".

Падчас масленічнага тыдня людзі пякуць блінцы, ладзяць гулянні, сустракаюцца з роднымі.

Масленіца – славянскае свята провадаў зімы і сустрэчы вясны. Нават пасля прыняцця хрысціянства ў абрадах святкавання Масленіцы захаваліся адгалоскі паганскага мінулага.

Масленічны тыдзень падзяляецца на два перыяды – вузкі і шырокі. У вузкую Масленіцу (першыя два дні) можна займацца гаспадарчымі працамі. У шырокую (з чацвярга па нядзелю) Масленіцу на змену працы прыходзяць адпачынак, весялосць і стасункі са сваякамі. На вузкую Масленіцу гаспадыня пякла бліны аржаныя, аўсяныя ці ячныя, на шырокую – бліны з грэцкай мукі. Гаспадар разразаў стос бліноў на чатыры часткі крыж накрыж. Кожны з сямейнікаў браў кавалак бліна і еў яго з творагам, залітым растопленым маслам.

У кожны дзень Масленіцы існуюць свае традыцыі і абрады.

ПАНЯДЗЕЛАК – СУСТРЭЧА МАСЛЕНІЦЫ

Да гэтага дня з саломы і старога адзення рабілі пудзіла Масленіцы, якое потым ладзілі на шост і з песнямі вадзілі па вёсцы.

Свёкар са свякрухай адпраўлялі нявестку да яе бацькоў, а ў вечары самі прыходзілі да сватоў у госці.

АЎТОРАК – ЗАЙГРЫШЫ

Моладзь з раніцы ладзіла катанні з гор, усе весяліліся, частаваліся блінамі. Таксама праходзілі агледзіны нявест, каб на чырвоную горку (першая нядзеля пасля Вялікадня) згуляць вяселле.

СЕРАДА – ЛАКАМКА

Працягваліся сямейныя застоллі. У гэты дзень прынята было есці столькі, сколькі зможаш. Цёшчы запрашалі зяцёў на бліны, маладыя прыяжджалі да бацькоў нявесты.

ЧАЦВЕР – РАЗГУЛ

У чацвер праца спынялася, і пачыналася Шырокая Масленіца. Моладзь каталася на конях, сані і конскую вупраж упрыгожвалі рознакаляровымі стужкамі і званочкамі. Гушкаліся на арэлях, ладзілі кулачныя баі, штурмавалі снежныя крэпасці. Усе абавязкова з’язджалі са снежных гор, пелі масленічныя песні. Блінамі частавалі ўсіх суседзяў, мінакоў, жабракоў і старых. Таксама адведвалі бабку-павітуху, частавалі яе, каталі па вёсцы, запрагаліся ў сані замест коней.

ПЯТНІЦА- ЦЁШЧЫНЫ ВЯЧОРКІ

Зяць клікаў цёшчу на пачастунках, зараз бліны ў хаце мужа павінна была пекчы яе дачка. Цёшча магла прыйсці ў госці да зяця са сваімі сяброўкамі і сваякамі.

СУБОТА – ЗАЛОЎКІНЫ ВЯЧОРКІ

Маладая нявестка запрашала залоўку ў госці і абавязкова дарыла ёй падарунак.

НЯДЗЕЛЯ – ПРАВОДЗІНЫ МАСЛЕНІЦЫ, ПРАШЧОНЫ ДЗЕНЬ

На вогнішчы спальвалі пудзіла Масленіцы, вогнішча абавязкова разводзілі на горцы, попел раскідвалі па палях. Спальванне пудзіла Масленіцы адзначала адыход ці смерць зімы. Людзі заклікалі Вясну і лаялі Масленіцу (сімвал зімы), клікалі яе падманшчыцай, аб’ядалай, блінаеднай і іншымі крыўднымі мянушкамі.

Масленічны тыдзень – апошні перад Вялікім постам, які будзе доўжыцца 40 дзён. Скончыцца гэты тыдзень Даравальнай нядзеляй, калі вернікі просяць адзін у аднаго прабачэння.

Заснавала на матэрыялах sputnik.by.